დაიბადა 1945 წელს ქ. ქუთაისში.  1968 წელს დაამთავრა თბილისის ვ. სარაჯიშვილის სახელობის სახელმწიფო კონსერვატორია.

   1964-1966 წლებში  მუშაობდა საქართველოს სახელმწიფო კამერულ ორკესტრში; 1966 წლიდან სულხან ცინცაძის სახელობის სახელმწიფო სიმებიანი კვარტეტის წევრია; 1991-1993წწ იყო თბილისის სახელმწიფო კონსერვატორიაში ვიოლონოსა და ალტის კეთედრის გამგე.

   ნოდარ ჟვანია წლების მანძილზე მოღვაწეობდა გერმანიის ქ. ინგოლშტატის ქართულ კამერულ ორკესტრში,  როგორც სოლისტი; გამოდის კამერულ ორკესტრებთან ერთად, ამასთანავე ეწევა აქტიურ პედაგოგიურ საქმიანობას.ამჟამად არის  თბილისის ზ. ფალიაშვილის სახელობის ცენტრალური სამუსიკო სკოლის (,,ნიჭიერთა ათწლედის“) დირექტორი.  საკონცერტო მოღვაწეობისა და საკვარტეტო ხელოვნების განვითარება-პოპულარიზაციაში შეტანილი განსაკუთრებული შემოქმედებითი წვლილისათვის დაჯილდოებულია შოთა რუსთაველისა და ზაქარია ფალიაშვილის სახელობის პრემიებით; არის საქართველოს მთავრობის ჯილდოს ,,ღირსების ორდენის“ კავალერი.